出水着寫真集是搵快錢的途徑，也令越來越多少女投身 o靚模行業。
1.導言
當全城 24小時都有人在談論 o靚模的時候， o靚模熱潮早已成為社會現象，這群被指沒明星味的 o靚妹，一時間攻佔報章雜誌頭條，甚至騎劫書展及動漫節，引發道德族與電車男的罵戰，連陳方安生都睇唔順眼，寫 blog批評 o靚模寫真近乎色情刊物。 o靚模好比曇花一現，由當初人人爭住做，如今卻要劃清界線，皆因 o靚模已列為貶詞。這股「來得快、去得快」的娛樂圈怪風，實在值得深入探討。
撰文：李全
2. o靚模崛起
o靚模，亦即 o靚界模特兒，雖掛名模特兒，但既沒有模特兒身高，也遑論內涵，只要長得不醜且略懂化妝便可勝任，落旺角行一轉通街都是。究竟甚麼因素造就 o靚妹能瞬間在娛圈崛起？
2.1 日本風襲港
o靚模並非本土產物，也早已有之，早在七、八十年代的日本，便有水着偶像（ Gravure Idol）誕生，她們定位明確，以拍性感寫真為主，旨在吸納年輕 fans，但通常到了 20多歲、或 fans對她們沒任何 fantasy時，便會絕迹。香港模特兒工場將這套營運模式照搬過來，並將她們包裝成模特兒抬高檔次，可惜大部份 o靚模沒經過正規訓練，有些更中途輟學，氣質內涵見了底，到頭來還是要靠色相作為本錢。
2.2 電車男湧現
隨着漫畫、電玩及偶像文化氾濫日本，衍生一班電車男（即御宅族 Otaku）的生活群體，他們過份沉迷個人玩意，終日躲藏在家，慢慢喪失社交能力，情況非常嚴重。香港人崇尚日本文化，年輕一輩也逐漸「電車男化」，加上互聯網普及，電車男從討論區接觸到這群年輕貌美的 o靚模，正好成為他們心目中的女神，空虛心靈得以慰藉，因而造就 o靚模這職業的蓬勃發展。
2.3 低成本效應
早在 Angelababy、 Janice Man等元祖 o靚模成名前，便已有所謂的「 image girl」、「 game girl」，工作範疇跟 o靚模無異。她們在模特兒公司掛單接 job，有的加入影友會，免費做「龍友」的 model，藉以增加曝光率，這些「龍模」也可說是 o靚模的前身。不少中小企業為減低宣傳費用，都愛聘請 o靚模，一來她們比明星便宜，二來是她們肯捱肯露，易收宣傳之效。就連香港青年協會都想到利用 o靚模做義工，早前公開招募 50名義工模特兒，結果吸引 850人報名。
2.4 娛圈不景氣
其實當年英皇捧明星的手法跟現在捧 o靚模的方式大同小異，鍾欣桐、蔡卓妍和鄭希怡等便是拍平面廣告出身，不同是她們簽經理人公司後，會經過一連串的歌舞技藝特訓，然後被包裝成歌手身份出現，但這「種星」方法成本相當之高。隨着近年唱片市道不景，歌手出唱碟基本上沒有錢賺，反觀 o靚模出寫真，隨時可賣幾萬本，加上她們毋須叩門經理人公司，抽少一層佣，回報率自然比歌手可觀得多，模特兒公司賺到盤滿缽滿，自然會招攬更多新血。
3. o靚模高峯
o靚界女神 Angelababy和 Janice Man 07年以孖公仔姿態為品牌行騷，其一頭金髮、熱褲、長腿配大眼仔的造型，成為 o靚模指標。然後邦民女 Kama、周秀娜、 E Cup Baby等相繼出現，雖引起廣泛輿論，但甚少會攻佔娛樂版頭條。直至剛過去的書展及動漫節，才是 o靚模綻放光芒的黃金時期。
3.1 書展
今年書展被 o靚模徹底騎劫，有人擔心舉辦書展的原意已被扭曲。
當你走進書展會場，望見一個個電車男目不轉睛打量獵物，然後行色匆匆的扲荷包付賬，再抱着大袋戰利品對着你癡癡儍笑，自然感到心寒。經統計，今年總共有 27名 o靚模推出寫真集，是歷年之冠，大部份以性感胴體作招徠，有的更玩意淫，拋胸刷牙、食雪糕滴滿身，被道德之士強烈譴責，網上發起的反 o靚模群組激起輿論，反而助長了 o靚模風氣。 o靚模照樣在會場外派奶、派雪糕吸客，徹底騎劫了整個書展。
3.2 動漫節
Kama的寫真集聲稱賣出幾萬本，比起歌手出唱碟賺得更多。
動漫節是 o靚模搖籃，她們終於可以肆無忌憚的在會場展示本錢，也不怕會招來話柄。周秀娜夥 o靚模師妹齊齊推出性感肖像 Tee，是意料之內的 gimmick，但萬料不到會學足日本水着偶像推出惹人遐想的性感攬枕，引發排隊搶購熱潮。當 13歲 o靚仔抱着彷彿比他還要高的攬枕，雙目無神的望向記者鎂光燈，還稱不允許別人觸碰攬枕時， o靚模狂熱早已演變成社會問題，實值得教育學家、社會學者關注。
4. o靚模之死
o靚無百日紅，在 o靚模湧現頂爛市兼良莠不齊的情況下，逐漸遭人嫌棄。始祖 Angelababy率先站出來自稱「潮模」， Janice Man則被黎明封為「模 Art」，周秀娜則自稱是「平面廣告模特兒」，不屑與 o靚模混為一談。 o靚模潮在書展風起雲湧，也在高潮中悄然落幕。
4.1 道德塔利班
o靚模為搶版面越穿越少，格調也越做越低，早已令一班衞道之士看不順眼。適逢 o靚模大肆入侵書展，有網民順勢在 facebook成立反 o靚模大聯盟，誓要踢她們出書展始罷休， Rainbow、 Lavina及 Monique首當其衝，其推出的《夏之盛放》寫真集未能在書展發售。反 o靚模群組成立短短數天，便招攬了近 4萬網民，他們在群組口誅筆伐，更有極盡侮辱的留言。 o靚模受電車男追捧的同時，其實也有大堆反對聲音。
4.2 電視台封殺
網上形成的反 o靚模勢力來勢洶洶，電視台也不敢怠慢，尤其在嚴肅的新聞報道裏， o靚模已成為禁用語，主播只以「年輕模特兒」來稱謂她們，捧 o靚模不遺餘力的無綫，在大勢所趨下亦作出了應變，總經理陳志雲曾義正詞嚴的直斥 o靚模風氣不可鼓吹，隨即下達 o靚模封殺令，如早前播出的《香港先生選舉》便飛甩 o靚模，改由 HotCha和江若琳擔任評判。
4.3 醜聞傳不停
o靚模星途受阻，還可歸咎網民和電視台的打壓，但本身受負面新聞拖累則與人無尤了。現時最得令的 Angelababy、 Janice Man、周秀娜及 A. Lin等，均被揭出道前後兩個樣，難免令人質疑經後天加工。至於近期鬧至沸沸揚揚的 Yumi疑似援交實錄及 Lavina疑似北上陪客個案，無論孰真孰假，相信已影響了 o靚模聲譽，也嚇怕找她們工作的廣告商。
5.總結
o靚模熱潮隨時間冷卻， o靚模也逐漸失去了市場價值，換而言之，她們會於生態圈中遭淘汰。不過有 demand自然有 supply，只要有電車男的一天，這些年輕又肯賣肉的女子，始終還有生存空間。明年今日， o靚模或許會以另一種形式借屍還魂，再在書展戰場翻雲覆雨。
周秀娜自救：延長演藝壽命
對於 o靚模步向末路，她們又有何看法？
周秀娜：「我明白 o靚模只係一個稱號，每年都會好多新人湧現，我除咗做好自己，仲會積極向電影界發展，希望 keep住演藝壽命有咁長得咁長。」
Lavina：「我從來冇擔心過，最多咪置諸死地而後生，轉行唔做 o靚模，我可以憑我嘅見識投身其他行業。不過，我咦家好鍾意呢一行，亦適應咗佢嘅工作模式，我相信巿場上仲係好歡迎少女模特兒，我應該仲有生存空間。」
Rainbow：「我唔擔心 o靚模潮過氣時冇生存價值，我相信廣告商始終會需要年輕模特兒，我哋總會有自己嘅巿場。」
Monique：「經理人已經安排咗我去做電台，遲啲仲會拍戲，我會作多方面發展，唔係淨係單做 o靚模，未來我又會報讀其他課程增值自己。」
o靚模升跌指數
o靚模潮一浪冚一浪，究竟有幾多能承受海浪冲擊，仍能在娛圈站穩陣腳，不至於石沉大海？
《 In》
楊穎（ Angelababy）
20歲
自稱「潮模」抬高身份，且泊到日本 avex大碼頭，定能盡展所長。
周秀娜（ Chrissie）
24歲
性感形象成為了電車男幻想對象，只要攬枕一日仍新淨，其人氣還在。
文詠珊（ Janice Man）
20歲
簽約黎明旗下榮升模 art，能多方面發展。
羅凱珊（ Kama）
20歲
青春甜美是其最煞食本錢，相信幾年內仍有價有市。
鍾蕙芝（ Lavina）
21歲
憑其驕人身材，應該可在娛樂圈熬多一段日子。
陳嘉寶（ Anjaylia）
19歲
新邦民女，與 7模出寫真，但從不穿泳裝示人，下月返樹仁大學讀新聞系。
《 Out》
胡心諾（ Rainbow）
17歲
劉欣宜（ E Cup Baby）
20歲
裴殷（ A. Lin）
20歲
李曼筠（動漫 Maggie）
21歲
尹蓁晞（ Yumi）
21歲
盧頌之（ DaDa）
19歲
趙碩之（ Wylie）
21歲
周凱盈（ Monique）
17歲
蔡穎恩（ Evelyn）
19歲
陳煦晴（ Hailey）
21歲
賴慧敏（ Isabel）
24歲
曹卓榣（ Cc）
17歲
o靚界代表推陳出新
青春偶像永遠受年輕人追捧，不同年代有不同的名堂，今日 o靚模當道，明日潮女稱霸。所謂萬變不離其宗，無論她們以甚麼名堂出現，其實都是以美色掛帥。
80年代末：開心少女組
由黃百鳴發掘的少女，形象活潑健康，深受學生哥愛戴。
90年代初：寫真美女
很難想像如天使與魔鬼化身的徐若瑄和舒淇會拍寫真集，當年掀起搶購熱潮。
90年代末：電波少女
以驕人身材作賣點，獲安排穿水着在鏡頭前玩水上遊戲。
千禧年初：餅女、 Twins
一班年輕少女被經理人公司訓練成「歌手」，主打唱歌、拍戲及廣告。
千禧年末： o靚模
扮模特兒為品牌宣傳，實則出寫真集、攬枕，完全跟日本水着偶像無異。
水着女優源自日本
o靚模近日 hit爆全城，性感出位作風更惹來坊間熱烈討論。 o靚模憑性感寫真在港殺出血路，其實 o靚模之風源自日本，當地稱之為水着偶像（ Gravure Idol）。
賣弄胴體嚴守三點
小池榮子
水着偶像早於七、八十年代已在日本興起，年齡由 12、 13歲至 30歲以上不等。不少藝能事務所為捧紅旗下女藝人，出道之初都會安排她們為男士雜誌或漫畫雜誌拍攝彩頁以增加曝光率，儲夠人氣後再為她們推出寫真集或 DVD。雖然水着偶像經常以三點式泳裝甚至性感內衣拍照，但大部份都只是賣弄性感胴體而不會露點。
日本不少當紅女星都是由水着偶像出身，包括山口智子、濱崎步、小池榮子、長澤正美和綾瀨遙等，成功上位後有機會拍戲唱歌。不過做水着偶像並非走紅方程式，不少半紅不黑的水着女星在藝能界浮沉多年，最終亦要淪為拍 AV。
