曼聯陣容重組完成 (三)

對住一個咁多球星既陣容，當喺「夫添」既情況下，排陣都幾煩惱(好似哂緊命添)~

以下就係我揀既正選陣容: (4-1-3-2)

Buffon

Dani Alves / Vidic / King / Evra

Mascherano

C. Ronaldo / Fabregas / Ribery

Rooney / Kaka

曼聯陣容重組完成 (二)

上回提到我用左￡328.8m 收購既球星, 以下就係我既支出名單:

C. Ronaldo ￡49.7m
Ribery ￡43m
Kaka ￡36.5m
Dani Alves ￡35.7m
Benzema ￡26.6m
Fabregas ￡24.6m
Tevez ￡24.5m
Buffon ￡22.3m
Chiellini ￡19.9m
Mascherano ￡14.5m
Micah Richards ￡13.3m
Akinfeev ￡9.6m
King ￡8.6m

曼聯陣容重組完成

最近Championship Manager 2010 iPhone version進行更新，令我之前個save冇左。結果，我花左一日半既時間重建番我之前個save既陣容:

曼聯 (Manager: Max Evan)

• Goalkeeper: Buffon / Akinfeev
• Defender: Chiellini / Evra / Vidic / King / M. Richards / Rafael / Dani Alves
• Midfielder: Hargreaves / Mascherano / Fletcher / Carrick / Fabregas / Ji-Sing Park / C. Ronaldo / Kaka / Ribery / Anderson
• Striker: Tevez / Berbatov / Rooney / Benzema

買人支出係￡328.8m ，比舊save係高左接近成倍。慶幸既係呢球員既身價都仲係比現價低...

懷念馬可斯

星加坡係一個好地方，乾淨 衞生安全，住得舒服，政府清廉高效率，與香港比較，是否星加坡一百分，香港五十分呢？外表如此，但左丁山最唔高興本地記者/時事評論員經常捧到星加坡天上有地下無，我哋特區就一無是處。喂，傳媒界人士最注重言論自由、創作自由，你哋去到星加坡，夠唔夠膽以批評董特首、曾特首嘅文字、語調、言辭嚟批評李光耀、李顯龍呀？環保團體在星加坡敢唔敢反對填海呀？申請司法覆核呀？星加坡有冇明光社激烈反賭博呀？星加坡電台有冇大量烽煙節目時間畀不滿人士痛罵政府高官呀？

諗過度過，左丁山都係鍾意香港「蝸居」多過星加坡「安居」，除非星加坡准肥佬黎獨立獨資在星加坡開辦《蘋果日報》，否則左丁山一定唔會考慮到星加坡長住，小遊三四日就無妨。

酒店小 Y Y與肥仔Ｋ在外國讀書時，認識不少星加坡同學，呢班同學好多不願返回星加坡，留在外國嘅意願強烈過香港學生好多，點解會咁？自然有內在原因嘅。不過一啲香港記者憑表面觀察，盲目稱讚星加坡，唔去發掘深層故事啫。

在菲律賓有家族生意嘅福建Ｃ來電，講起泰國曼谷動亂，心為之危，好驚泰國會走上菲律賓道路，自毀長城，福建Ｃ嘆息話：「今日不少馬尼拉人憶念馬可斯，講出嚟好似荒謬，實際上係對目前現狀不滿。我在一九七六年在馬尼拉 Makati逛街，覺得唔知幾先進，與香港中環差唔多，當年去曼谷，是隆道、沙炎中心一帶似乜樣呀，與麥卡提相去極遠。但馬可斯倒台後，菲律賓三十年來有退無進，反而泰國進步神速，已趕過菲律賓。馬可斯係獨裁，係貪污，但做到啲事，經濟有建設，今日嘅菲律賓，冇貪污咩？但做唔到事噃！」現實政治問題，令人非常煩惱，有理說不清，究竟亞洲人需要民主吖，還是喜歡安定繁榮，不理政府是否貪污、獨裁或清廉而霸道嘅家長式管治？到何時何日，亞洲人先至可以得到澳洲 /紐西蘭式嘅民主自由與安定繁榮並存？

（左丁山）2010年04月18日

英超衰落

曼聯、阿仙奴齊齊在歐冠盃八強賽出局，冠軍決賽冇英超球隊份，係○五年以來第一次，英超盛世是否由今季開始結束，下一季就滑坡，由西甲取而代之？五年來，每次決賽都有英超 Big 4份兒，兩次奪標（○五年利物浦，○八年曼聯）。○八年最巴閉，由車路士大戰曼聯㖭，今季竟然四強不入，睇落下一季更難樂觀，原因係：（一）利物浦首先衰落，下季有冇資格參加歐冠盃，尚成疑問，分分鐘由曼城或熱刺取而代之；（二）阿仙奴球員年輕有前途，但除咗費比加斯之外，缺乏世界級球星，如巴塞在夏季以五千萬鎊將費比加斯帶回巴塞，阿仙奴班球員難成大業；（三）曼聯球員老化，傑斯、史高斯、加利里維利隨時收工退休，雲達沙已三十九歲，中堅費迪南與維迪亦三十過外，當打當弗球員只有中場費查、前鋒朗尼、翼鋒華倫西亞與蘭尼，除朗尼外，冇一個世界級水平，表現時好時劣。貝碧托夫唔啱球隊戰術，費 Sir點樣執正隊波呀？大清洗，大換血乎？球會負債七億英鎊，五行欠水，難搞啲喎；（四）車路士球員嘅年紀更大，活力不及從前，林柏特、泰利、杜奧巴呢條脊骨，已經搏到殘，搏到盡，今季或可奪英超冠軍，下季唔會有進步嘅嘞，呢隊波正是逆水行舟，退易進難。曼城又點呀？防守力不足，中場創造性唔夠，唯一有前途新血就係亞當莊遜，仲未完全成熟。

以此觀之，下季歐冠盃仍然係巴塞天下，唯一大勁敵就係皇家馬德里。皇馬用錢堆夠，一樣負債纍纍，財政唔夠安定，散起來亦好易啫。巴塞就唔同，美斯、恩尼斯達、沙維、碧基、保贊等主力全是青訓產品，唔使錢買嘅，球會唔使為錢擔心，仲大方到將球衣心胸標誌送畀 UNICEF，唔收億億聲（歐羅）嘅商業贊助費，如果講球會嘅社會責任，巴塞應該攞梗世界第一。皇馬在歐洲冠軍球會盃歷史上，自一九五六年計起，攞過九次冠軍，三次亞軍，只有 AC米蘭可以比較（七冠四亞），巴塞（四冠三亞）仲有排追，但以後三四年只要美斯維持健康體態嘅話，歐洲球會足球係巴塞天下，殆無疑問。

（左丁山）2010年04月13日