黎智英接受CNN訪問 - 蘋果動新聞

壹傳媒最新搞作「動新聞」未出街已經係新聞，出街後更加成為頭條新聞，佢最近在台灣接受 CNN訪問，披露大搞動新聞嘅鴻圖大計。

外界對動新聞有唔少批評，甚至質疑只係娛樂動畫而唔係新聞，肥佬黎則認為瑕不掩瑜，承認動新聞內容可能同事實有出入，但輕微差異不足以否定新聞嘅真實同完整性，總之事不離實，動新聞嘅內容都係源自報紙或雜誌，只係可能將新聞影像化後，產生更震撼嘅效果，佢認為日後對一些性侵、暴力新聞應該謹慎啲處理。

在台灣申辦電視台受阻，肥佬黎透露正與幾間國際新聞通訊社傾製作動新聞生意，成事嘅話，即係動新聞就升呢國際級，肥佬黎話如果動新聞對讀者吸引力只係曇花一現，即係佢失敗睇錯咗，不過佢慣咗失敗。