炎炎夏日，不少女生都請大家的眼睛吃冰淇淋。想當年阿媽年代人人都着一件頭密密實，但現今一班 80後，非三點式不着，仲要加墊加 pad加 nude bra再加鋼圈 push up，總之最緊要谷身材谷事業線。為咩？驚死你唔睇囉！
記者：葉雪芯
攝影：林栢鈞
Model：Rien@StarzPeople
日女心得：比堅尼一定要鋼圈
隻身來港發圍的日模椋名凜，波濤胸湧般的姿態出道，着泳衣完全無有怕。可能來自水着當道的日本，由細到大她對泳衣非常有心得，亦難怪騷胸出席公開場合，始終無港女咁遮遮掩掩。講到日本泳衣潮流，她說這一代的泳衣風氣開放很多，人人都愛 push up，「在日本，胸夠大的女仔着乜都無所謂，不過細胸女仔一定着 push up泳衣谷胸。以前泳衣 trend係流行 one piece，但咦家個個都着 bikini，仲邊度有人咁老土！就算係我自己都鍾意比堅尼多啲，同埋我一定要有鋼圈，因為胸比較多肉，有 wire就有承托力，着起來有安全感，而且胸形靚好多，自信返晒嚟。」
自稱 25歲的椋名凜，水着可能多過你啲 Under……
■椋名凜說日本細胸女仔十居其九都穿 push up泳衣，唔係游水咁簡單，係要俾人睇！
■椋名凜指日本現時的泳衣潮流非常開放及多變，無人再穿一件頭，個個比堅尼，仲會將泳衣當打底咁着。
■穿上了承托力一流及內藏鋼圈的比堅尼，椋名凜說上圍明顯多肉了，自信都返晒來。
■穿上沒有鋼圈功能的 bikini，椋名凜說沒有安全感。
80後泳衣布料少
■攝影model的自備泳衣，有花款之餘更花巧到在泳衣帶上加配飾，例如穿珠珠，時尚得可以打底着，或者 show出來畀人睇。
椋名凜仲話，相比七、八十年代的阿媽泳衣，以前的泳衣款式真係好沉悶，現在的更有生氣，最大分別是布料越來越少，而且功能上亦有大分別，「咦家泳衣顏色花款好 sharp好 colourful，而且會配襯唔同嘅首飾吊飾，例如配襯珠珠、銀鏈、 ruffles花邊等等，好 fashionable。咦家喺日本，仲好流行將泳衣着在便服外面，又或者當打底着！」的確，早前流行女性內衣外穿，咦家潮流玩到悶，將泳衣搞搞新意思，完全符合 80後不安現狀的鬼主意。
專業人士：不落水只為曬
■馬太說 80後女仔追求視覺效果，泳衣上圍要有睇頭和豐滿。
現今女士對身材講究的程度，老早不能與以前相比，就連着泳衣都是以谷胸作為出發點。本身賣開內衣的 BODIBra，近年推出了不少新款泳衣，專門研究泳衣的谷胸功能。老闆娘馬太就話，這股潮流不多不少靠內衣帶起，「好多人着內衣都好講究，現今好多內衣都做到谷胸功能，久而久之，佢哋就會希望着泳衣都可以有咁嘅效果。唔少女仔着泳衣唔係單為游水，有好多女仔都同我講，佢哋唔識游水，去沙灘只係為咗曬太陽，順便晒身材。若然着件泳衣出來，可以將大胸細腰 show到出嚟，俾人睇到完美身形都會多咗好多自信。」
一定要谷事業線
■你看今年的港姐選舉泳衣環節，是不是比隔籬版鍾楚紅穿的泳衣少很多布？
馬太續說，着功能性的泳衣，就連細胸至 A cup，都一樣有睇頭，「咦家傳媒和大環境風氣都講求事業線，事實上只要穿上功能性泳衣，就算幾細胸嘅女仔都一定可以谷到事業線，成個身形線條真係會靚好多。同埋咦家嘅比堅尼唔止要有鋼圈，仲有分粗帶幼帶，好多細節都係為不同大小胸形而設，例如胸大嘅女仔就要揀粗帶，胸細揀幼帶；修飾 hip形就揀下身有配飾、大蝴蝶結或者粗邊咁。」 o靚模當道，馬太反而覺得無乜邊個特別是性感 icon，她反而大讚劉嘉玲，「佢身材比例好好，唔算好瘦，骨肉均勻，要數邊個着泳衣最靚，只有佢！」
谷身形之小秘密
■比堅尼上身要有承托力，功能媲美胸圍，所以配上 wire鋼圈的款式大受歡迎。
■比堅尼褲仔的剪裁亦有轉變，高衩騷長腿，後幅布較大，用來包緊臀部，講求承托力。
■要上圍豐滿，配有鋼圈的比堅尼擔當重要角色，除了 BODIBra各牌也密集推出，其中 ROXY今年都有不少鋼圈款式。$620（ r）
■近年泳衣方面的配件越出越多，大部份都為谷胸，例如日本內衣牌 Peach John推出了專為泳衣而設的 nude bra，能谷出事業線。$295（ p）
p. Peach John The Store（ 2577 6012）
r. ROXY（ 2895 5028）
o靚模三點式
A.今年跑出的浸大咪神楊梓瑤 Carol Yeung胸前偉大，她本人說，最愛着有鋼圈泳衣。
B.同樣在今年跑出的 o靚模陳靜 DaDa Chan，憑純情外貌魔鬼身材擄獲宅男心，胸大再着埋泳衣更加氣勢逼人。
C.舊 8模 A.Lin和 DaDa Lo就算身材賣點不大，但無敵青春大晒。
D.新 8模你還記得幾多個？但唔理好醜，賣肉係指定動作。
E.周秀娜的 D cup多人睇，但她下身的比堅尼銀鏈配飾一樣搶眼，印證了泳衣的多功能性。
F. Angelababy往日本發展後身價升呢，今年更推出告別寫真，雖不賣身材，但比堅尼布真少得可憐。
G.Jessica C.今年推出的寫真必然地狂賣身材，請問你的視線係先見到佢件比堅尼？定係先見到她的警鐘？
No comments:
Post a Comment